唔知係政府倡議搞創意工業有迴響，定係電影業開始由谷底反彈。有線電視年頭話自行製作電影，未來兩三年用三億拍戲；梅鐸檔星空傳媒亦話會自己拍戲，旗下嘅衛視電影台今日會同映藝控股簽約。
有線有徐小明坐鎮，間公司叫驕陽電影製作公司，聽講佢會親自操刀開拍《曹操》，屬意搵幾個影帝拍。不過衛視都唔弱，除映藝行政總裁係劉德華之外，重會搵六位新晉導演同佢哋製作「高清」電影，率先喺佢哋嘅電影台播，之後就會喺可播放高清電影嘅戲院上映。兩間公司今日一齊喺電影節公布具體內容，真熱鬧。
傳真︰2623-9278
電郵︰[email protected]