TerriHolladay與余安安昨日出席纖體活動，TerriHolladay大騷藍寶石訂婚戒指，但她透露因自己和未婚夫為工作四圍飛，婚期要延至八月。
余安安和TerriHolladay昨日到中環，出席法國美體品牌MethodeJeannePiaubert活動，現場由穿上比堅尼的外籍女模示範產品，陳嘉容和2R等也有出席。
久未露面的TerriHolladay展示手上的藍寶石訂婚戒指，原定春天結婚的她透露婚期要延遲，她說：「我同未婚夫Paolo𠵱家經常四圍飛，中國、美國、泰國同歐洲，因為佢喺內地開皮革廠，我又忙搞網頁同去泰國宣傳Princess電器，兩個人各自飛，成日都見唔到面，所以婚禮要延期至夏天，大約八月左右。」
TerriHolladay的未婚夫Paolo曾謂二人在上周日（十三日）行禮，Terri對此解釋說：「其實佢只係講笑，因為嗰日係我生日，不過佢嗰晚都送咗條裙同煮咗餐飯畀我食，好浪漫。其實大家𠵱家工作發展順利，都要平衡感情同事業。」問她內地美女熱情如火，可會擔心未婚夫受不住引誘？TerriHolladay笑說：「我對佢百分百信任，反而佢應該擔心我，因為我成日飛歐洲，見到好多靚仔。」
此外，身穿露背裝的余安安，透露近期纖瘦不少，她說：「我𠵱家得一百一十二磅，磅數可能重啲，但我骨架大，同埋我覺得女仔太骨感唔靚。」她又透露因消瘦令上圍尺寸也略減了。
採訪、攝影：RitaLeung
