元華、元秋和郭晉安主演的電影《雀聖》，日前元華因為不滿經常超時工作，沒有足夠休息時間，更與該戲的製片鬧不和。
昨日元華、元秋和郭晉安在黃大仙開工，元華表示事件已告一段落，他說：「當日開工，見到個製片執袋走，咁就追住佢，一推可能我太大力，其他人見到就覺得我同佢嘈，想打佢，其實我係叫佢唔好走，問佢有冇休息時間畀我，點知其他人以為我同佢反面。冇辦法，我郁一郁都好似打人咁。」據知該名製片已被調走，元華說：「王晶好多戲，可能係跟第二組。」
元秋表示事發當日她並不在場，她說：「男人事男人解決，事後我都有勸元華唔好嘈。事實真係唔慣，太辛苦，一日拍十幾個鐘，又唔夠休息。」