鬍鬚仔曾俊華噚日風塵僕僕，早上出席完龍騰飛躍午餐會後，下晝就撲入屯門出席嶺南大學頒獎禮，但係就一直保持賣牙膏廣告式嘅笑容，愈忙愈醒神咁。
鬍鬚曾喺致辭時大講CEPA對香港經濟復甦帶來嘅好處，好似舊年CEPA下嘅服務貿易已為香港分別帶嚟十五億元嘅收入，同埋十億元嘅額外投資；自由行方面，又為香港帶嚟額外六十五億元嘅旅遊消費，更為香港人新增兩萬個職位。
嶺大一向標榜博雅教育，八方正奇怪佢哋點解會請鬍鬚曾嚟，原來嶺大舊年曾為有意喺內地創業人士、在職人士舉辦「CEPA中國商貿法規及管理實務課程」，唔怪得請到曾局長啦。
傳真︰2623-9278
電郵︰[email protected]