啱啱鏟咗個頭嘅大嚿陳偉業係最近嘅惹火人物，先係大大聲聲話要司法覆核，話之你人大釋法，噚日又喺立法會直斥林瑞麟指鹿為馬，反遭屈為出言「冒犯」林D9，搞到立法會政制事務委員會癱瘓咁滯！
張文光就走埋去大嚿度同佢講：「鏟咗個頭零舍旺喎！」陳偉業上個禮拜公正形容譚耀宗「厚顏無恥」，先至俾范太逐出場，今次言論自由又遭鏟剃。大嚿就同張文光講：「我啲頭髮咁短，你就學唔到啦！」
八方記得，大嚿以前都窒過林D9係公公，但林D9當時都冇話冒犯，今次佢打倒昨日之我，被指為指鹿為馬，林D9紮紮跳，唔通特區真係中國化？
傳真︰2623-9278
電郵︰[email protected]