老董遭變相炒魷，八方噚日喺一個午餐會見到佢嘅舊部兼愛將、新聞處處長蔡瑩璧，問佢董生嘅近況如何？蔡小姐話好好，最近先同佢通過電話，董生目前人在上海，不過，只係小住，因為佢始終會多啲留喺香港。
你話係咪世事如棋局局新，唔怪得啲局長同常秘都異口同聲同八方講，佢哋𠵱家一於處變不驚，兵來將擋，見步行步，因為連聽日邊個係你新老細都唔知。
至於煲呔，呢輪梗係忙到死，因為佢身兼兩職，所以日頭公益金又見佢，夜晚影視娛樂博覽會又見佢，想唔紅都唔得，所以話，唐唐真係聰明，一早講明唔去馬，費事陪跑。
傳真︰2623-9278
電郵︰[email protected]