曾有一段時期，我很喜歡Reebok的籃球鞋，因它有個很有型的「Pump」裝置；更有一眾Dunker穿着：包括奧尼爾、桑甘保、迪布朗和韋健士等。隨着Pump消失在籃球世界，之後就很少着Reebok的球鞋（除了一兩對Answer系列）。
今年，Pump回歸了，重頭戲是一眾Reebok旗下球星，如姚明和艾華遜等在明星賽穿上ATRPump。廢話少講，筆者上周就喺室內場用三小時試過對鞋，畀大家一個詳盡報告。
外形：最啱小弟「嘴型」的傳統大大嚿籃球鞋外形，藍色「pump」十分搶眼，唔只啱戰神艾華遜，連我呢款「肥仔」都着得十分有型；但我喜歡日後發售的全黑型號多一點。
保護性：保持Pump系列一貫的「包覆感覺」，夠貼腳；魔術貼令ATRPump對足踝的保護十分足夠。鞋底緩震保護一般，略嫌單薄。
靈活性：因為鞋底薄，令球鞋的反應性及轉向非常得心應手，千祈唔好俾佢大大份的外表呃倒。
透氣性：鞋身滿布細氣孔的網布幫助透氣，着住打波時，兩隻腳都冇焗桑拿的感覺。
抓地力：唔錯，不過市面上都好難搵一對抓地力唔好的籃球鞋。
總結：ATRPump係我着過最好的Reebok籃球鞋，適合由姚明到「答案」甚至任何打波風格。放下你的慣性收視，試吓其他品牌的好嘢！
文：H
