蔡少芬（Ada）日前拍攝新一輯服裝硬照廣告，雖然早前有說黎姿會取代Ada代言人地位，但日前Ada為廣告拍攝時，老闆就親自打點一切，足證Ada地位未受威脅，而Ada就表示只要做好本份，懂得變化就可令人一新耳目，百看不厭。
蔡少芬日前由內地返港為服裝品牌MOISELLE拍攝新一輯硬照廣告，拍攝當日Ada一連更換三十多套服裝，忙得喘不過氣來，而當日不但有髮型師、化妝師、設計師跟身，排場十足，就連該品牌老闆亦親臨監督，顯然對Ada相當重視。
Ada駁上一頭長髮，形象新鮮，雖然Ada所擺的甫士有點難度，既要收腹拗腰，又要凌空舉腳，鏡頭後的Ada亦高呼：「好攰」，但她仍能從容面對，原來Ada已經第八年為該品牌擔任代言人，她對拍攝概念和風格十分熟絡，Ada說：「合作咗咁多年，都易掌握，知道要啲乜嘢嚟配合，啲動作係有啲難度，但靚就最緊要，好彩近期我喺內地拍緊一套劇都要跳舞拗腰，所以難唔倒我。」
雖然Ada與該品牌已是老拍檔，但黎姿近日亦成為該品牌另一系列的代言人，於是外界即有揣測Ada會被黎姿取而代之，問到Ada怕不怕被比較時，她說：「我唔會理其他嘢，只諗做好自己，畀心機去演繹，最緊要係同自己比較，呢個世界唔係只得自己好，人人都有優點，最緊要係自己識得變化，人嘅面孔只得一個，點樣令人百看不厭，產生唔同感覺呢，唔係踩低人就可以抬高自己。」
此外，Ada前晚出席新片《挪亞方舟驚世啟示》首映禮，問到跟緋聞男友張晉的感情狀況時均避而不談，Ada說：「唔係，我有（男友）先同大家講。」
採訪：卓寶花 攝影：陳志嵐
