ＴＶＢ近年好多人事變動，喺公司做咗三十七年嘅總經理何定鈞亦宣布退休，噚日見到佢自然問多幾句，問吓佢點解要走。佢就話自己已經六十歲，好應該退休，留番啲機會畀後生仔。原本四月先走，但係扣晒啲假期，後日就會正式離任，享受最悠長嘅復活節假。何定鈞話未來會湊吓兩個孫，開心過日辰。
睇翻ＴＶＢ年報，何定鈞喺六八年加入ＴＶＢ，由助理會計主任做起，○二年升做集團總經理，○三年則獲委任為董事，真係同ＴＶＢ一齊成長。佢對公司咁長情，六叔又點會捨得畀佢走？公關話佢退休後仍係公司董事，日後仍會同大家見面。
傳真︰2623-9278
電郵︰[email protected]