江欣燕昨日以代言人身份在中環遮打道行人專用區為貴族纖形拍攝廣告，一身低胸短裙打扮的她被吊威吔在半空中擺出不同甫士，吸引一班假日在中環聚集的菲籍女傭圍觀。
江欣燕表示與纖體公司簽約一年，她說：「我由最重嘅百三磅，減到目前九十幾磅。起碼有六、七年冇吊過威吔，喺中環鬧市吊威吔更加係第一次，成功減肥後我想接多啲工作，不過應該唔諗生仔啦，我都鍾意細路，第時可以領養。」
有份參與拍攝《美麗傳說2之星願》的江欣燕被問到同劇演員孫耀威及應采兒的緋聞，她說：「我噚日下晝開工都等咗佢哋半個鐘，佢哋話俾狗仔隊跟，我同孫耀威好熟嘅，佢同應采兒食同一盒飯，可能係女仔減肥食得少呢，我覺得佢哋一啲都唔襯，報道話應采兒二十一歲，孫耀威成熟咁多。」
採訪、攝影：卓美娟
