近日醫管局制訂一系列標準藥物名冊，惟名冊未有包括二十六種抗癌藥物以及一啲改善病人生活質素嘅藥，若果病患者服用嘅藥唔係醫管局安全網名冊內，病人就要自費買藥，呢個決定令唔少病人組織議論紛紛，擔心冇錢買藥食。
罹患腦癌五十歲嘅阿偉，去年癌病復發，醫生建議服用新抗癌藥物Temodal，惟每月藥費一萬蚊由患者支付，阿偉依靠綜援金維生，根本冇力應付昂貴嘅醫藥費。大使見到體弱嘅阿偉，除咗飽受疾病折磨之外，更要為籌集醫藥費奔波，身心俱疲，蘋果日報慈善基金曾撥款協助，而佢嘅個案經報道後，接獲唔少善長援手，令佢終於有機會試新藥。阿偉現時嘅癌病已受到控制，日前佢重親自寫咗封感謝信多謝各界善長仁翁。
大使相信阿偉嘅個案只係冰山一角，大使接觸過唔少癌病嘅求助個案，情況同阿偉一樣，根本冇能力負擔天文數字嘅醫藥費。有見及此，蘋果基金設有「醫療專戶」，致力匯集讀者捐款減輕貧窮病患者喺醫療開支上嘅經濟壓力，呢個專戶好需要大家嘅支持。
「醫療專戶」捐款編號：C0666
暖流熱線
電話：29908688
傳真：23702192
電郵：[email protected]
網址： http://www.charity.atnext.com