「我平生都冇做過壞事，點解呢個病要揀中我？我好唔甘心，好唔忿氣，冇理由嘅！」黃文華道出無端患上頑疾者的心聲。對命不由人的不忿，一度令患有重症肌無力症的他萌生放棄生命的念頭。
十二年前的一天，當時四十二歲的黃文華的眼瞼突然不由自主地下垂，怎撐也撐不起，然後說話含糊不清，全身乏力，連吞嚥的氣力都沒有。醫生證實他患上無法根治的重症肌無力症，黃文華感到萬般沮喪，「病情最嚴重嘅時候，我只可以瞓喺深切治療部嘅病床上，前前後後瞓咗三個月。全身除咗手指之外都唔郁得，自己個頭痕都冇辦法自己𢱑，又講唔到嘢，甚至要用呼吸機先唞到氣。」
病榻中胡思亂想，黃文華的求生鬥志被慢慢地磨蝕，「如果我醫唔番好，咁我太太點算？我兩個囡囡點算？未供完嗰層樓又點算？一諗到自己成世人都唔郁得，要屋企人照顧自己，我不如死咗佢算！」
就在黃文華意志最薄弱的時刻，一名深切治療部護士所說的一句話，教他重新振作，從此積極對抗病魔，「個姑娘同我講，『深切治療部嘅床位，每日成本要成萬蚊，如果你冇得醫就唔會瞓喺呢度』，就係呢一句話，令到我肯定自己重有得醫。」經過長年的藥物治療，他的病情終得到控制，現時已可與平常人一樣生活，惟未能重返工作崗位。
他坦言，一場大病令他失去健康，但從中獲得的也不算少，起碼深深感受到親情的可貴；大女兒更因為父親的患病經歷而走進杏林，當起護士來。同時，他真心地體會到應珍惜及欣賞身邊的一草一物，「我病嘅時候成兩個月冇飲過一啖水，之後飲嘅第一啖水，原來係咁清咁甜咁好味。我重新睜開眼後望出窗外，原來平時唔留意嘅燈光同樹影，真係好靚好靚！」 記者陳倩雯
逢周一刊出