睇番粵語殘片馮寶寶要斬柴生火煮飯，真慶幸有電飯煲這個偉大發明，更慶幸的是，今時今日的電飯煲款式多籮籮。經濟實惠有西施煲，要耐用可以揀傳統不銹鋼，自問貪方便又喜歡烹調的話，一系列可以身兼煮粥、煲湯、焗蛋糕、煮即食麵和意大利飯的功能型號就最啱Channel。
記者：黃婉冰
攝影：副刊攝影組 ImageGirl：Irene
蒙民偉靠臘腸Sell飯煲
五十年代，家家戶戶燒柴煮飯，當時代理電器的信興集團主席蒙民偉，就看準這一點，將當時日本新發明的電飯煲帶入香港。
髮廊煲飯引人注意
1959年，他首次將24個樂聲牌電飯煲帶入香港，由於當時反日情緒高漲，故初時仍未被人接受。但他看準中國人愛用臘味蒸飯的飲食習慣，於是便一個人帶着臘腸、米及電飯煲走到髮廊假扮客人剪頭髮，一邊剪髮一邊用臘腸煲飯，當飯煮熟時，臘腸飯香四溢，令在座的客人皆讚不絕口。
5年銷量激增880倍
就靠這煲臘腸飯，令電飯煲的入口數量從1960年的100個，激增至1965年的88,000個。電飯煲開始普遍後不久，他希望更能切合中國人愛在煮飯時蒸餸的習慣，要求日本將傳統鋁蓋改為玻璃蓋設計，讓人可以透視到煮飯時的情形，這可說是一次突破性的轉變。
電飯煲進化史
1959年——蒙民偉就係攞住呢款電飯煲，走入髮廊邊剪髮邊蒸臘腸，吸引買家。
六十年代——因要切合中國人的習慣，蒙民偉要求日本設計了這款玻璃蓋電飯煲。
2003年——以「備長炭」做內膽的IH（InductionHeating）西施電飯煲誕生。
2004年——首創可以焗蛋糕的蛋糕西施電飯煲，是功能電飯煲的一大突破。
多功能電飯煲烹飪能手
普通一個多功能電飯煲，閒閒哋可煮煲仔飯、煲粥、煲湯、燉甜品、焗蛋糕甚至煮即食麵及意大利飯，絕對稱得上是精通中西烹調。集百般廚藝於一身，唔使睇火又唔怕煲燶，啱晒一眾貪方便的懶人！
煮即食麵夠方便
型號：PanasonicSR-CJ05
迷你西施電飯煲，280W，1-3人份量，首創意大利飯及煮即食麵功能。只要一按制，放入所需材料，就會幫你控制烹調時間，自動炮製各款即食麵及意大利飯。另有煲粥、煮飯功能，其黑厚鍋遠紅外線加熱設計，更可令每粒米均勻受熱，粒粒都做到鬆軟可口。
售價：$398（a）
即試電飯煲煮即食麵掂唔掂
需時10分鐘
將適量熱水放入煲內，按Noodle掣直至顯示屏顯示出所需的時間，一般即食麵需時約10分鐘，再按Start掣。
BB響就食得
顯示屏的時間會逐分鐘遞減，當剩餘5分鐘時，可將所有材料放入煲內並蓋上煲蓋。完成後，會發出BB聲響，表示烹調完成。
Irene即煮即試
「麵條與平時用明火所煮的效果差唔多，最好唔使睇火，重幫我控制埋時間，唔怕滾瀉，啲麵又淥得啱啱好，唔會過硬或過腍。」
備長炭內膽
型號：PanasonicSR-IHSG18
西施電飯煲，1-10人份量，450W，採用備長炭做成鏡面波紋形厚鍋，配合電子磁場導熱設計，有助辟除米粒中的異味。有煲仔飯、粥、感應保濕、焗蛋糕等功能。
售價：$1,598（a）
非典型電飯煲
型號：KenwoodMC-200
外形設計獨特，除可煮飯外，亦具備煲粥、燉甜品、煲湯等功能。可預校時間進行不同的烹調，備有玻璃蓋及塑膠蓋，以配合不同的烹調需要。
原價：$438 特價：$368（a）
可選擇軟硬度
型號：ZOJIRUSHINS-ZAQ10
1-5人份量，680W，附LCD顯示屏。可煲粥、煮白飯及雜錦飯，亦可選擇煮出來的飯粒的軟硬度，可預設時間，開始烹調或烹調完畢後都會有音樂提示。
售價：$1,388（d）
外形勁Cyber
型號：TOSHIBARC-5GSIHP
2-4人份量，460W，獨特外形配合不銹鋼外殼，賣相Cyber。有快速、雜錦飯、粥或白飯等烹調功能，另有時鐘顯示、預校時間、保暖等功能。
售價：$598（b）
操作簡易
型號：SANYOECJ118JA
多功能西施電飯煲，3-10人份量，650W，集煮飯、煲粥、煲湯、蒸煮等功能。操作簡易，內附蒸架，蒸餸菜夠方便，煲蓋設有可拆式蒸氣閥，可防止煲湯時熱湯滾瀉。
售價：$390（c）
紫砂煲可煮多種飯類
型號：RasonicRA-RP15
御滋膳紫砂飯煲，1-8人份量，800W，可煮出各式飯類如糯米飯、粘米飯、糙米飯、煲仔飯、珍珠米等，亦可用來煲潮州粥及蒸蛋糕，其紫砂內膽不黏底且清潔容易。
售價：$888（c）
西施電飯煲蒸餸煮飯一Take過
現代女性，工作忙碌，放工煮飯最緊要快靚正，西施電飯煲會較適合。按一個掣，煮飯兼自動保溫，而且西施煲大多會附送蒸架，煮飯同時蒸餸，方便又快捷！
密封式設計保原味
型號：GOODWAYGRC-060HK
1-3人份量，400W，採用密封式設計，可有助保持飯的原味。優質鋁合金不銹鋼內膽，堅固耐用，具有自動保溫功能，有顯示燈顯示保溫或煮飯情形。
原價：$328 特價：$268（d）
煲蓋手挽一體化
型號：PHILIPSHD-4706
西施電飯煲，1-4人份量，500W，煲蓋與手挽合併式設計，高度比一般設計慳位。煲身印滿魚仔圖案，賣相得意，內附蒸餸架一個，兩年保用。
原價：$398 特價：$298（d）
附件最齊全
型號：TEFALR02-580-630W
西施電飯煲，容量2-8人，770W，啱晒大家庭用，附送蒸架、飯杓及量杯，配件齊全。飯煲側有倒汗水收集器，每次開飯煲唔怕滴到四圍濕晒。
售價：$398（c）
小家庭最適用
型號：CORONAPT-10
2-4人份量，500W，容量剛剛好適合一家四口或兩小口。價錢屬實惠之選，同樣附有蒸餸架及易潔內膽，煮飯蒸餸或將餸菜翻熱，方便簡單。
售價：$199（b）
傳統電飯煲設計大躍進
傳統不銹鋼電飯煲，吸引度可能不及各種智能式電飯煲或西施煲，但論花款及使用方便，它亦不遑多讓。新一代的設計，同樣具備煮飯唔黐底的好處，有些更有透視型不銹鋼蓋設計。
防黏內鍋無黐底
型號：PanasonicSR-W10FK
2-6人份量，450W，外形與傳統經典款式無異，內膽則換上防黏質料，煮飯唔怕黐底。全不銹鋼煲蓋設計，耐用安全，款式亦較傳統款式特別，有5小時保溫。
售價：$348（a）
上置蒸架夠方便
型號：TEFALR01
1-10人份量，770W，隨煲附送蒸架，蒸架可置在飯煲上，可同時煮飯又同時蒸餸菜。上置式蒸架，提取方便安全。
原價：$348 特價：$268（d）
耐用全不銹鋼煲蓋
型號：SANYOEC108LB
2-5人份量，500W，煲蓋採用全不銹鋼質料製造，比中間鑲有玻璃蓋的設計耐用且較安全。煲面印有清簡花圖案，賣相新潮。
售價：$248（c）
附送蒸架
型號：ZOJIRUSHINH-SQ10
1-6人份量，530W，內膽採用易潔質料製造，不黏底，易清潔。隨煲附蒸架一個，煮飯同時蒸餸或翻熱隔夜餸，非常方便。
原價：$499 特價：$288（d）
店舖資料
（a）樂聲牌陳列室 27333833
尖沙嘴東部科學館道9號新東海商業中心14樓
（b）實惠 26638833
香港仔南寧街香港仔中心一期地下及一樓A舖
（c）吉之島 28846888
鰂魚涌康山道2號康怡廣場南
（d）西田百貨 26941111
沙田新城市廣場3期2樓