元華結婚二十多年，育有一子一女，大仔今年二十三歲，在加拿大多倫多讀大學，選修商業管理；女兒二十一歲，在加拿大溫哥華讀大學，修讀傳理系，而華哥的太太就陪伴女兒讀書，華哥則留在香港搵食，一年回加拿大兩三個月休息充電，一家人倒像五湖四海般分散居住。
華哥表示習慣了，昔日就算一家人在港，他也是要拍戲沒時間相陪，他說：「𠵱家我喺香港一個人生活，冇戲拍就會返加拿大見家人，不過好彩啲仔女生性，我攞獎佢哋都有打電話畀我，同我講恭喜爹哋。」
近年很多明星第二代步父母後塵，加入娛樂圈，問華哥會否准許子女入行？他說：「我暫時未聽過佢哋話入娛樂圈，不過喺我嘅立場，我梗係要佢哋讀飽書後先諗啦。」
那麼以華哥的魅力，可曾試過有女性對他投懷送抱？華哥機警地說：「啲女仔見到我，重唔嚇到即刻走咩？」但他透露當年做武師，曾令太太擔心其安全，他說：「我惟有同佢分析話，都唔擔心得唔多，就算唔做武師都可能喺街度遇意外，總之件事有五、六成危險我都照做，但若果有七、八成危險，就梗係唔做啦。」