張栢芝和關心妍昨日到將軍澳電視廣播城綵排《博愛歡樂傳萬家》，原來栢芝連續發了三天燒，體重更下降了六磅，現須服食營養丸增強體魄。
談到栢芝近期賣掉兩部MiniCooper，但日前卻有消息指她心郁郁試了一部英國跑車，栢芝說：「我冇試過任何車，亦冇諗過買車，我手頭上架波子（保時捷）都放緊，以前多夜生活就覺得要揸靚車型吓，𠵱家一啲都唔享受，雖然放咗架車會蝕錢，但我覺得女仔有錢喺身，安全感大啲，我都想儲錢買樓。」
栢芝除了學做慳妹外，亦計劃與好友開設二手衫店，賺得的金額一半會捐予慈善機構。而關心妍亦表示每年花近百萬買衫，家裏衣服已堆積如山，故她會將衣服捐給慈善機構或送給朋友。
採訪、攝影：卓寶花