立法會議員陳鑑林個區議員辦事處噚日開張，一直俾左派喺背後狂插嘅署理特首曾蔭權畀面主禮，唔係點修補關係？曾煲呔全場笑到四萬咁，就快可以取代舊老闆「陳四萬」變成「曾四萬」，陳鑑林同民建聯主席馬力見佢咁畀面，就梗係笑得開心啦。
奇就奇在，只係隔幾條街就有辦事處嘅黨友陳婉嫻冇到，外界一直傳嫻姐同陳鑑林唔妥，八方梗係問主席馬力係咪兩個人唔啱？馬力就例牌死都話冇，話嫻姐忙，所以唔到，但忙都冇理由忙得過煲呔啩？再加埋陳鑑林辦事處就喺正嫻姐老巢黃大仙隔籬，又難免令人有咁多猜測嘅！
傳真︰2623-9278
電郵︰[email protected]