「蘋果愛心福袋」關懷行動定期上門向貧苦家庭送贈食物福袋，直接減輕他們的經濟負擔，應付生活需要，迄今令超過二百個家庭受惠。
日前阿芝及永叔皆喜獲福袋之餘，不忘連聲道謝。為了讓更多人受惠，是項行動有賴社會各界踴躍支持。
日前記者帶同兩個「蘋果愛心福袋」到阿芝的家中後，阿芝把食物逐一拿出來放在枱面上，其身旁五歲的長女阿儀，仔細欣賞放在枱上各式各樣的食物，邊拿着食物邊說：「媽咪，有好多餅乾食呀！」
三十四歲的阿芝坦言：「屋企開支每月都好緊，根本冇多餘錢剩，好多時都係去批發市場求其買十幾、廿蚊餸，呢啲餅乾、麥皮、即食麵好少會買畀佢哋食，囡囡知道今日有人送嘢食嚟，不知幾開心。」
阿芝的丈夫從事跟車司機，乃家庭經濟支柱，育有兩名分別兩歲及五歲的女兒。近年，其夫經常開工不足，收入減少，經常入不敷支，須節衣縮食。
「善長同我哋素未謀面，但都咁慷慨伸出援手，覺得好感動，實際又減輕屋企嘅伙食費，多謝晒，將來自己有能力會盡力幫番其他人。」阿芝感激說。
「嘩﹗乜拎咁多嘢食嚟，呢度有麵、米同埋罐頭全部啱晒胃口，幫我慳番唔少買餸錢。」四十九歲獨居的永叔笑說。
單身的永叔自幼罹患癲癇症，一直從事酒樓點心師傅。早年，他的病情轉差，被迫辭退工作，間中從事散工，賺取微薄收入。
近年，他的健康每下愈況，除了雙眼患上白內障，致視力衰退之外，身體亦飽受肩周炎疼痛，四肢乏力，須定期覆診及服藥。退休後，永叔要靠領取綜援金過活。
「呢個『蘋果愛心福袋』入面有咁多嘢食，真係好開心，多謝善長支持同埋關心我哋啲窮人。」永叔說。
為了減輕弱勢家庭的經濟負擔，蘋果日報慈善基金展開「蘋果愛心福袋」關懷行動，向弱老、殘疾人士、單親及貧困家庭派發愛心福袋，內有白米、食油、罐頭、即食麵及餅乾等，迄今令超過二百個家庭受惠。
商戶和善長可透過捐贈糧油食品或善款支持是項活動。另歡迎社會服務機構轉介有需要申請愛心福袋的個案予本報跟進。
查詢詳情，可致電《蘋果日報》暖流熱線：29908688。
「蘋果愛心福袋」專戶捐款編號：C1345
暖流熱線
電話：29908688
傳真：23702192
電郵：[email protected]
網址： http://www.charity.atnext.com
