《超人特工隊》係今個星期話題之DVD，3區本周中落場，差唔多逛得碟舖都人手一隻，銷情之凌厲是近年電腦動畫中罕見的！好多專業碟迷品評《超》係PIXAR近年出得較正的DVD，就算落到3區港版粵語配音，聲畫表現亦有美版1區嘅8、9成水準，再加雙碟超多Bonus同戲院重未曝光嘅積仔Vs保母4分鐘短片，實在好難叫人忍手唔買啫！
記者、攝影：朱崇德
今次《超》好多人都覺得出得好快，感覺簡直有如剛喺戲院散場，出門口就買到3區DVD。查實係香港為夾新年檔戲院上畫遲，美版1區其實早賣了一排，快慢感覺真係因人而異！另外一提大家，凡購買《超》一隻，可以$49換購價買《超能先生全家福》1,000塊砌圖，最別致係佢使用雙面處理，一邊係變身前溫馨全家福，背面係全幅武裝出動畫面，都幾得意，抵畀！
專業玩家品評
DVD店SalesAndy：「聲畫貼住1區」
港版3區《超》，畫質同聲效都同1區美版（$180）做得好貼，唔係上到貴價投影機，好難睇出兩碟嘅分別，加上3區有粵語配音，聲效做得好之餘，繙譯亦有原戲神髓，抵撐！
AV舖SalesJackie：「色彩表現豐富」
畫面色彩表現豐富又實淨，聲效包圍感亦好強烈！如果同《怪獸公司》比，只係輸在電影背景顏色冇咁鮮豔搶眼，同怪獸毛毛啲「毛」，不過佢亦算少數值得放上投影機播放嘅靚碟！
AV舖Sales阿源：「買隻看門口」
呢隻DVD聲畫好正，屋企睇都可以達到戲院質素！同《怪》相比雖稍有不及，但《超》所做出的物體質感，同光源變化，是《怪》所未能及的，買隻返屋企看門口，真係走唔甩！
銷情熱烈 聲畫俱靚
PIXAR出嘅電腦動畫系列，一直都係熱賣DVD中流砥柱，就如《反斗奇兵2》，好多碟舖都話佢係截至目前銷量最高的電腦動畫DVD！不過呢個神話將會受到挑戰，《超》雖然本周剛推出，但挾住3,300萬戲院票房，3區DVD銷情同當年《反2》有過之而無不及之勢，破唔破到，過多幾個星期自有分曉。
超靚嘅聲音及畫面，亦係《超》今回強銷賣點，雖然未如《怪獸公司》一致公認的試機天碟級，不過3區港版亦有美版1區的8、9成水準，畫面色彩豐富、有層次感！DOLBYDIGITAL5.1亦表現出強烈的包圍及分格感覺，可算是無可挑剔！另外，坊間傳聞《超》遲陣子會推出dts5.1靚聲版本，但以《反斗奇兵》、《怪獸公司》及《海底奇兵》等作借鑑，直至今時今日都只係得DD版本，所以《超》會出dts版機會都幾渺茫。
銷情熱烈 聲畫俱靚
PIXAR出嘅電腦動畫系列，一直都係熱賣DVD中流砥柱，就如《反斗奇兵2》，好多碟舖都話佢係截至目前銷量最高的電腦動畫DVD！不過呢個神話將會受到挑戰，《超》雖然本周剛推出，但挾住3,300萬戲院票房，3區DVD銷情同當年《反2》有過之而無不及之勢，破唔破到，過多幾個星期自有分曉。
超靚嘅聲音及畫面，亦係《超》今回強銷賣點，雖然未如《怪獸公司》一致公認的試機天碟級，不過3區港版亦有美版1區的8、9成水準，畫面色彩豐富、有層次感！DOLBYDIGITAL5.1亦表現出強烈的包圍及分格感覺，可算是無可挑剔！另外，坊間傳聞《超》遲陣子會推出dts5.1靚聲版本，但以《反斗奇兵》、《怪獸公司》及《海底奇兵》等作借鑑，直至今時今日都只係得DD版本，所以《超》會出dts版機會都幾渺茫。
過氣超人 中年危機
電影故事內容都係PIXAR嘅強項，玩大顛覆，曾叱咤風雲的超能先生（帕波）及老婆彈弓女俠，因為吃官司，所以被迫隱姓埋名兼改頭換面，和三個子女小麗、小衝及積仔過着「正常」生活。已成為保險經紀的帕波，經常發「超人癮」，希望回復超人身份。某日，帕波突然接獲神秘指令，要到一個荒島執行機密任務。但中年發福的他還能靈活應變嗎？超人全家出動，能夠拯救地球嗎？
老實講句，《超》最強之處係玩得「老少咸宜」。故事內蘊含了很多中年人危機，同個人、家庭、事業種種價值觀的道理，雖然唔講得上發人深省，但亦都算係嗒落有味。至於小朋友方面，就算睇得半明不透，之但係豐富的影像語言，都已經叫人睇得拍爛手掌，總之一家大細睇，都可以各有得着。
Bonus：睇重未曝光 積仔全攻擊
今次《超》玩孖碟珍藏版，Making內容極盡豐富，應有嘅都放齊，冇投訴！當中最搶眼是Disk2的「積仔全攻擊」，亦即戲中保母以電話錄音留言交代，全無畫面的一段！全長4分餘鐘，以《MIB》式敲問手法憶述，都幾搞鬼。另外一提，DVD內的隱藏片段（即彩蛋）勁多，多數在主目錄及副目錄播放十多秒後，在畫面的右上角或右下角出現「超能先生」或「八爪怪獸」圖案作標示，有時間大家不妨搵一搵。
彩蛋有乜睇：
Disk1：影片製作解說
Disk2：主目錄、被剪掉的片段、幕後大公開*、更多幕後製作過程*、廣告宣傳*、索引頁面第一頁*、索引頁面第二頁。（*同一彩蛋位置，在第一次進入和第二次進入有不同片段）