五十四歲的漢叔，自去年初失業後，他想盡辦法搵工，奈何事與願違，漢叔只好搬到深圳居住，盡量善用有限積蓄，度過非常時期。日前，幾近身無分文的漢叔回港，暫居於慈善機構宿舍。
「我去過社會福利署申請綜援，不過佢哋話我離開香港太耐，唔合資格，好彩有社工轉介我入住宿舍，有免費膳食，不過只係臨時性質。」漢叔坐在公園對記者說。
漢叔多年前離婚，女兒跟隨前妻生活，雙方已沒聯絡。以往任職侍應的他，去年初失業，加上身體不適，患上風濕及俗稱「生蛇」的帶狀疱疹，令其腰背赤痛，無法工作。漢叔於是遷上深圳，節省日常開支，其間，他仍有繼續搵工，可惜一直沒有消息。直至近日，漢叔耗盡積蓄，返港向社工求助。
「有時明明見出面貼咗請人嘅廣告，入到去又話請夠人，可能都係嫌我年紀大啦，加上我又冇聯絡電話。我𠵱家打算報讀保安員再培訓課程，不過就算報咗，都冇錢搭車去上堂，我身上只剩幾蚊。」漢叔說。
漢叔的個案由香港社區組織協會轉介本報跟進。蘋果日報慈善基金有見漢叔的困境，即時撥款二千元給他，應付短暫生活及搵工所需的車資。
捐款編號：C1652
暖流熱線
電話：29908688
傳真：23702192
電郵：[email protected]
網址： http://www.charity.atnext.com