曾主演韓劇《開朗少女》嘅韓國女星張娜拉前日飛咗去瀋陽出席記者會，宣傳佢首張中文大碟《一張》。當日張娜拉雖然患上感冒唔多舒服，但喺記者會上仍然露出親切笑容。 另外，喺記者會結束後，張娜拉到咗一間幼兒院探望當地兒童，又同佢哋玩遊戲。而喺晚上舉行嘅生日會上，張娜拉度過咗佢二十四歲嘅生日。