日本AV女優天宮真奈美前晚在旺角出席《AV》首映，她應要求被導演彭浩翔輕攬腰肢，並向他獻吻，當輪到Shine時，天佑與又南因害怕被要求與天宮接吻，大呼：「唔好玩我哋！」
日本AV女優天宮真奈美、Shine、周俊偉及導演彭浩翔等前晚在旺角出席電影《AV》首映，吳彥祖及尹子維等亦有捧場。天宮甫到場即脫去外套，以一身粉紅色低胸裙示人，她與導演彭浩翔合照時，還應要求親吻對方的臉頰，彭浩翔則攬着天宮的腰肢，未知是否因彭浩翔妻子在場關係，兩人頗為尷尬。當輪到Shine與天宮合照時，二子害怕與天宮接吻，即緊張地對記者說：「唔好玩我哋呀！」
黃又南在戲中與赤裸上身的天宮有擁抱鏡頭，他說：「大家上身冇着衫互攬，好尷尬，我冇生理反應，大家都好集中，做戲啫。彭導演都有教我哋試戲，但天宮走咗就試少咗，都係唔好講咁多，我怕佢老婆嬲呀，講多錯多㖭。」
徐天佑則表示與天宮的激情戲不多，他說：「我覺得佢好專業，埋位即時剝衫都冇所謂。但佢其實唔開放，一叫cut就着番衫。」天佑又謂有一場戲是講述他教赤裸上身的天宮拍戲，他說：「好尷尬，我講嘢時視線都唔知放喺邊度好，拍咗四、五次先掂。」
天宮事後透過繙譯表示彭浩翔非常符合她的擇偶要求，既溫柔亦有安全感，但只想與對方保持好友關係。
昨日，Shine、天宮及彭浩翔又在尖沙嘴宣傳，問天佑會否請緋聞女友Miki來看該戲，他說：「佢自己會去睇，唔使特登請。」彭浩翔則踢爆又南與天宮拍激吻戲時，只顧接吻，原本十多秒的吻戲卻吻了二十多秒，還忘了對白，彭浩翔說：「佢拍完問我得唔得，我話錫就得，但就唔記得講對白囉！」
採訪：何永寧、張俊銘
攝影：仇志德、張俊銘
