有恒基「樓神」之稱嘅張炳強，上個月正式冇做恒基地產營業部總經理，唔再賣樓，上個禮拜五連佢喺恒基唯一嘅職位——恒基發展執行董事都辭埋職，恒發嘅通告話，張炳強係以私人理由請辭。洋名同署理特首一樣嘅當奴張，喺九二年加入恒基，大大話話都做咗十三年。
舊年八月，傳出當奴張病咗，重攞咗個悠長病假，今年二月恒基搵咗測量師學會前會長及市建局物業及土地總監謝偉銓過檔，喺正式接替當奴張，成為恒地售樓部揸弗人。個多月後嘅今日張炳強同恒基系上市公司劃清界線。
傳真︰2623-9278
電郵︰[email protected]