葵涌公屋葵盛東邨盛豐樓，因天台水箱喉管閘掣等設施老化，經常損壞，令食水供應突然中斷，影響居民正常生活，早前更一連三日因此食水供應中斷，居民要求房屋署更新供水設施，但房署未作決定。
「隔冇幾耐就停一次水，搞到飯煮唔到，涼又冇得沖，真係好激氣！」盛豐樓居民說起大廈經常「制水」時，一臉無奈。
盛豐樓居民向本報投訴稱，大廈近年不時因水箱及水泵零件故障，令食水供應經常中斷，近月停水次數愈來愈頻密，令居民日常生活大受影響。
「今個月一號晏晝突然間冇水，五、六點想煮飯都煮唔到，搞一輪最後要到街喉輪水，之後整番好以為冇事啦，點知第二日晏晝兩點開始，又停咗三個鐘；晏晝冇水影響都唔算大，到三號夜晚，又再突然冇水，連涼都冇得沖。」
盛豐樓互助委員會主席梁禮榮稱，盛豐樓已有十五年樓齡，水箱喉管閘掣零件頻頻損壞，明顯是老化，居民均盼房屋署盡快安排更新大廈供水設施，令居民毋須再受食水供應頻頻中斷之苦。
管理葵盛東邨的高耀物業管理有限公司屋邨經理盧先生跟進本報轉介投訴後回覆稱，紀錄顯示，本月一日下午二時半，盛豐樓因連接天台食水水箱喉管閘掣損壞，導致食水供應停止。
他說，屋邨辦事處已即時進行多項措施，包括在盛豐樓外街喉裝上多龍頭喉管，臨時供水；張貼緊急通告通知住戶停水及取水地點；通知維修承判商到場維修；同日晚上七時半，食水供應回復正常。
盧先生說，本月三日晚上九時半，盛豐樓天台食水水缸內的浮球水閥損壞，引致食水供應中斷，屋邨辦事處立即派遣維修人員，以人手操控有關零件，保持有限度供應食水；至本月四日凌晨二時半，維修完成後，供水回復正常。
他稱，屋邨辦事處沒有本月二日盛豐樓停供食水紀錄，可能個別單位受影響。就居民認為應更換供水設施，需視乎實際情況决定是否需要更換損壞設施；至於更換所需費用，並不在考慮之列。（○三○四○一六）
葵青區議員梁廣昌認為，水箱零件頻損壞，皆因零件年事已高，機能衰退，但每次出現問題，房屋署及屋邨辦事處均只是進行維修，頭痛醫頭，腳痛醫腳，以致問題一直未能解决；他認為，房署應更新設施，確保食水供應正常。
服務熱線
電話：29908288
傳真：23702192
電郵：[email protected]