花絮

球迷自娛扮鬼扮馬
每年欖球賽，球迷悉心打扮成為激烈比賽以外的另一焦點，今年適逢四年一度的世界盃，這班熱情的球迷當然唔會放過機會。無論男扮女裝、女扮男裝、扮小狗、扮儍豹、扮忍者，各適其適，他們目的只有一個，就是與眾同樂。

球迷未夠癮「露械」助興
可能首日賽事強弱懸殊關係，入場觀眾似乎意猶未盡，一位坐在南看台的男球迷興致勃勃，突然在觀眾席上演一幕「露械記」，在場球迷拍爛手掌，最後驚動保安人員，將這名「露體狂」帶離球場。

免費印水紙任印唔嬲
每年大球場內嘅攤檔離不開賣酒、賣食、賣場刊、畫花臉，今年加入一個影相檔口，幫球迷影相同埋印相，需時一分鐘，每張五十至一百蚊。想唔花錢，又有得玩嘅，可樂檔有免費印水紙，可以印喺身體任何部位，都好受歡迎。

場刊抵死教埋廣東話
今年大會場刊價值六十大元，最特別多附一本pocketguide，專俾西人睇，因為小書就好似一本旅遊指南，介紹香港好去處之餘，最抵死有一版教鬼佬學講常用廣東話，「香港」，就拼成HuengGong。