全國政協常委陳永棋噚日出席完一個有關中小企基金嘅記者會後，主動向在場嘅財經記者提出，話想發表一啲政治方面睇法，希望現場嘅記者轉告畀啲政治版記者聽。
原來佢想公開安撫嗰班老親中長期愛國人士。咁又係嘅，新任特首好可能係由英國殖民地政府扶植出嚟嘅煲呔曾出任，眼見「港英餘孽」重新當家作主，班老愛國條氣自然有啲唔順。陳永棋話，呢班老親中對於突如其來嘅轉變可能好愕然，感到迷惑同唔了解，但佢哋應該可以放心，相信中央係經過深思熟慮，認為煲呔曾係信任得過、有愛國情操，一定會將香港做得更好，尤其係政治上可以趨向和諧，以往香港搞政治鬥爭嘅情況可望減少，香港有望從此國泰民安喎。唔知班左派收唔收到，聽唔聽話呢？
傳真︰2623-9278
電郵︰[email protected]