張可頤前晚穿上性感露背裙出席名店開幕活動，後日三十五歲生日的她透露會赴上海與當地的fans開派對慶祝，屆時她會攜帶演出過的劇集VCD及戲服作慈善拍賣，善款撥捐海嘯災民及癌症基金會。張可頤坦言最希望找到真命天子，再嘗拍拖滋味。
張可頤及好友周倩圯、伍詠薇夫婦及樂基兒等，前晚往中環置地廣場出席一名店開幕活動，天氣乍暖還寒，張可頤以一身Chloe露背裙亮相，十分抵冷。
張可頤後日三十五歲生日，屆時她會在上海度過，她說：「我應班上海fans要求，出席一個由佢哋幫我安排嘅慈善生日派對，到時我會帶埋我演出過劇集嘅VCD，同埋戲服畀佢哋拍賣，籌得嘅善款會捐畀海嘯災民同癌症基金會。」
問張可頤有何生日願望？她說：「希望有個真命天子啦，𠵱家冇拖拍，TVB嘅新劇又七月先至開，我呢排就學彈鋼琴同烹飪消磨時間。」問張可頤是否因為閨中密友鄧霓儀負責餐廳業務，所以才學烹飪？她說：「唔關事，我以前啲男友個個都好叻煮嘢食嘅。」
另外，張可頤好友周倩圯前晚亦以性感打扮赴會，她表示其Fendi手袋價值二萬多元，是她擁有最昂貴的手袋，早前她眼睛發炎，現在已經無礙，周倩圯說：「嗰次原來係我對隱形眼鏡裂咗，碎片殘留喺對眼度，諗番起都覺得牙煙。」
採訪：林妙萍
攝影：陳志嵐
