根據剛發表嘅財政預算案，預算下年度汽車首次登記稅收為38億8千多元，較上年度多2億4千多萬元，即預料汽車銷情會比上個財政年度更加理想。政府表態對來年車市樂觀，本地車界業內人士又點睇呢？
香港汽車商會主席MichealLee：「05年汽車銷情應會因應經濟環境改善而提升，預計增長超過一乘，而且買家嘅消費意向改變，雙門開篷跑車呢類玩樂車款增長會較明顯，擁有更多額外豪華裝備嘅車款亦會受歡迎。」
皇冠車行發言人：「上年度豐田汽車喺本地嘅銷量極佳，令人更有信心。預計7人車仍然會係最受歡迎車款。」
岡光汽車嘅香港代理發言人：「經濟復甦，業界百花齊放當然好，不過都係抱觀望態度，唔敢太過樂觀。」
記者：馬慶武