擁31A上圍的黃榕近期被32D的師妹雷凱欣搶盡風頭，雖然事業發展無起色，幸愛情得意，原來她已秘密找得情郎。黃榕日前表示與一男藝人拍拖兩年，更認定他為結婚對象。
黃榕入行五年，現年二十四歲的她發展未見起色，近期更被同門師妹、擁有32D上圍的雷凱欣搶盡風頭。日前黃榕在將軍澳接受本報訪問時，對此便說：「我唔會羨慕亦唔會妒忌，佢身材有賣點，係會着數啲，我係另一種性感，有骨感美，大家唔同。」
對於其事業發展，黃榕揚言未感滿意，她說：「我都係做埋啲布景板，啲朋友睇完我演嘅戲，重問我喺邊度出現過，但我對呢行重有希望，始終做呢行都好睇運氣嘅。」
雖則星運浮沉，然而黃榕卻承認已有一名拍拖兩年的圈中男友，雙方感情穩定，她更認定對方為結婚對象：「之前我唔認有男朋友，係因為發展未穩定，大家成日嗌交，𠵱家就定咗好多，我唔公開佢係邊個，係唔想有乜影響。」
問黃榕最欣賞男友哪一方面？她馬上就答：「我以前拍過好多次拖，以前啲人會同我玩玩吓，佢好成熟、好專一，去邊度都會同我講，佢個人都幾浪漫，又有幽默感。」
黃榕憶述有年情人節，男友不在港，但預早訂了十二朵紅玫瑰送給她，令黃榕十分感動，她笑說：「我覺得咁已經好浪漫，之後我重將啲玫瑰花做成乾花。佢對我好好，所以我願意為佢付出，以前我只係識煮公仔麵同煲飯，𠵱家就學煲湯、煮餸。」
採訪：朱倬誼 攝影：陳偉權
服裝：Charcoal（藍褲為私物）
化妝、髮型：小白
