元朗青山公路249號元朗廣場商場的女廁消防灑水系統，早前疑因有人在廁內吸煙，引致消防灑水系統噴水，導致商場店舖水浸，商戶埋怨管理公司於事發七個多小時後才通知，造成損失嚴重。
「遲咗成七個幾鐘先Call我，佢哋根本低估咗水浸嘅嚴重性，冇諗到啲水會流入我間舖，整濕擺喺地下啲貨。」
在元朗廣場一樓開設精品店的馬先生稱，上月十三日凌晨二時許，商場女廁懷疑有人吸煙引致消防灑水系統啟動，水經廁所門流出商場走廊，引致精品店水浸，但管理公司未即時通知他，以致他未能即時處理積水及整理貨物。
「佢哋打電話嚟通知時，都成朝早十點幾，我哋十二點趕返舖頭開門睇，已經見啲水流到裏面，放喺地下嘅精品全部濕晒。其他商舖就冇擺貨喺地下，損失冇咁大。」
他對管理公司稱未能聯絡他一事，甚感懷疑。「我同我老婆都留咗電話畀佢哋，成晚都冇收過管理公司電話，連隔籬舖都話朝早十點先有電話通知。」
他說，返抵店舖後，有管理員稱，翻查閉路電視影帶，見兩名女子進入廁所，疑她們在內吸煙引致消防灑水系統啟動。有關賠償問題至今未有下文。
負責元朗廣場管理的啟勝管理服務有限公司函覆本報稱，根據資料紀錄，當日凌晨，位於商場洗手間內的消防花灑頭爆裂，引致商場發生輕微水浸。事後，商場服務處職員立即處理，並聯絡受影響商戶，協助清理店內積水及貨物。
就被投訴延遲通知商戶一事，管理公司助理物業及設施經理張先生回應稱，「兩點幾發生事件後，已有職員處理，關水掣、同埋制止水流。處理完後，就即刻通知商戶。」
他承認當日早上十時才聯絡馬先生及其他受影響商戶，通知有關商場水浸，但他強調：「遲唔遲？其實我哋已經做緊嘢！」（○三一二○○三）
法律界人士梁永鏗稱，疏忽導致的損失索償並沒設上限，管理公司雖然有購買保險及找公證行調查，但他提醒有關商戶，不能單靠公證行調查，以及被動地等候結果。
梁永鏗說：「公證行只不過係保險公司派出嚟計數嘅人，商戶唔主動提出索償清單及賠償總額，佢哋係唔會咁輕易賠錢。」
他說，有關商戶應直接發信管理公司，列出要求賠償項目，例如：損失貨物價值、營業額及裝修費等，並備有相關圖片及證據，列明如不作出賠償，將會採取法律行動等。
「呢類個案，通常係到排期出庭審訊前，雙方交換晒所有證據後，兩邊律師睇吓勝算高唔高，才決定係咪賠錢和解。」
服務熱線
電話：29908288
傳真：23702192
電郵：[email protected]