特區換行政長官，行政會議就最唔得閒，差唔多日日都要開會，噚日朝就係因為要先聽取唐唐嘅財政預算案而召開嘅，今次終於人齊啦，連前日因嫁女唔見咗人嘅曾鈺成都笑口騎騎現身。
曾蔭權做署理行政長官之後，已經第三次叫開會，第一次係上星期六下晝，當時有四位身兼全國人大政協嘅行會成員，包括梁振英、廖長城、鄭耀棠以及曾鈺成都話要留喺北京開會或者見人，所以趕唔切返嚟，重有個別成員話煲呔使乜咁急，遲兩日開會都冇問題，於是就傳出佢哋四個唔妥煲呔。
傳聞歸傳聞，阿爺一吹雞，個個要歸位，至少喺未來一段時間，都要支持煲呔嘅特區政府。
傳真︰2623-9278
電郵︰[email protected]