財政司司長唐英年昨日公布財政預算案，提及要促進電影業發展，政府會延續「電影貸款保證基金」，並撥款直接資助有利電影業發展的項目，不過導演張同祖則炮轟財爺的方案偏幫大公司。
昨天財政司司長唐英年發表任內第二份財政預算案，成為城中熱門話題。財政預算案中，財爺提及要促進電影業發展，政府會延續「電影貸款保證基金」，為電影製作提供擔保，鼓勵銀行及借貸機構參與電影融資，使電影公司較易得到貸款。另外，又會撥款資助有利電影業發展的項目，希望帶旺電影業。
不過導演張同祖認為，財爺在預算案所提出的電影業資助方案毫無新意，幫助不大。張同祖指現時銀行所提供的借貸方法必須要有抵押，對一些獨立電影製作人來說，無疑是一種困難，張同祖昨日說：「𠵱家呢啲借貸方法只係幫到啲大公司，因為佢哋先會有抵押，有能力還錢畀銀行，咁真係想開戲嘅獨立製作人，試問邊度有嘢抵押，如果有，佢哋自己都有錢開戲啦，又點使同銀行借呢？其實電影界係想政府幫手同銀行或一啲基金講，唔好要求借貸要有抵押，咁先真正幫到電影業，但政府同銀行始終唔肯。」
而剛以七位數字酬金成為LuxSuperRich洗髮產品代言人的容祖兒，則最贊成預算案提高子女免稅額，祖兒說：「子女免稅額提高都好，大家可以生多啲小朋友，咁香港咪可以熱鬧啲。」
至於兩子之母的羅霖則有另一番見解，她說：「其實生仔易、但要教好難，如果生多啲仔女，其他配套要好啲。我𠵱家有兩個，未咁快追，係都要考慮半年。」
而有吸煙習慣的黃家強則希望政府不要徵煙酒稅，他說：「政府庫房咁多錢，我哋係咪應該交少啲稅，大家多啲錢使，多啲消費，先至會推動香港經濟。」
採訪：陳月媚、魯萍
攝影：陳慧安
