「我叫人洗手洗手洗手，其實我只係想提醒人記得洗手，你哋點解要笑我？」一萬米高空、香港飛北京的航機上，董太盡訴心中情，一肚怨氣、重勁過南中國啲氣流；八方由三個禮拜前宮廷政變開始，一直追讀所有新聞，九成九悶到抽筋，噚日卒之等到一篇頂癮嘅報道。
《壹週刊》項德楓同張寶文在商務艙A10位，訪問董太，除咗發現A1個位係唔存在之外，重寫咗篇精采文章，雖然有些少刻薄，但董太形態盡出，所以八方完全唔怕俾人話賣廣告。
政圈人情冷暖，一早都知，難怪董太咁憤憤不平，握緊拳頭話：「董生重鐵過楊傳廣，董太係好強好勁㗎，你哋係打唔冧我哋嘅！」果然有第一夫人氣勢，臨落機，佢重叮囑記者揀老公要揀似董生咁嘅老實人！
傳真︰2623-9278
電郵︰[email protected]