呢輪新車款接踵而至，筆者出席過不少代理商宴會，真係有點疲倦同看膩了的感覺；之不過明晚林寶堅尼代理商，為要隆而重之推介全新MurcielagoRoadster到港，特別假座港島南區壽臣山某個私人會所舉行傳媒發布會同VIP預展，無論部Roadster新車同Pre-launch的地方，都令筆者大感興趣，尤其係當中身價超逾450萬兼且要配售的MurcielagoRoadster，又點可以錯過先睹為快的機會呢！至於個私人會所有幾正同幾特別，先等筆者賣個關子，遲吓有機會再同大家講。若然有汽車代理商正準備新車推介的話，就不妨借鏡參考啦！
記者：陳偉林