城中富豪近日紛紛表態支持「以曾蔭權為首的特區管理班子」，中信泰富噚日公布業績，記者當然會問名列《福布斯》中國富豪榜榜首嘅榮智健點睇啦，心情因公司成績理想而極靚嘅榮太子表示，中信泰富一直支持香港穩定發展，「以往支持董建華領導下嘅特區政府班子，如今亦一樣會支持以曾蔭權為首嘅特區政府班子」重問在場記者，「其實有乜變化呢？」
至於「中國首富」呢個稱號，榮太子一向唔太接受，噚日語帶抱怨話：「我唔會討論呢個問題，我唔承認呢個稱呼，亦從來冇了解過佢哋點樣評選出嚟，更加唔認為（獲選）係光榮嘅事」。俾人叫首富，不如贏馬威威啦。
傳真︰2623-9278
電郵︰[email protected]