名模楊崢及陳嘉容昨日在豪宅君臨天下示範價值逾億元的蕭邦珠寶，兩人均有保安嚴密護駕，難怪楊崢笑言身份如公主般尊貴。楊崢表示早於九六年已置業自住，現努力賺錢希望買一間全海景的新屋，與父母同住。
名模楊崢和陳嘉容昨日往豪宅君臨天下，示範專程由瑞士運抵本港的珠寶腕表，總值逾一億港元，兩位名模抵達現場到戴上名貴珠寶，均有多名保安嚴密護駕，楊崢即笑言感覺自己像公主般尊貴，更賣口乖大讚豪宅君臨天下說：「淨係聽嗰個名已經夠晒氣勢。」
談到夢想居所，楊崢謂要有一望無際的海景，她又表示九六年已在港島區置業，她說：「我間屋嘅樓價比起當年梗係跌咗，不過係自住嘅，都唔算負資產。𠵱家努力搵錢，希望換間有海景嘅大屋同父母一齊住，最好可以打通兩間，有自己嘅私人空間就好啦。」
楊崢常為樓盤宣傳，問她地產商會否給予折頭？她說：「梗係冇啦，啲樓咁貴，減百分之五已經係好多錢嚟㗎啦。」陳嘉容則示範一條價值七百多萬的白金鑽石頸鏈，她說：「我戴住個心真係卜卜跳，我啲儲蓄只夠買水晶咋。」
採訪：DebbieLum
攝影：ChenWaiOn
