創業板股好似已被投資者遺忘，就算業績幾靚仔都好，最多只係獲少數芬佬捧場，始終唔能夠獲得廣大市民受落，睇嚟創業板股必須轉到主板，先至可以找到生機。
好似上市剛滿一年的山東威高（8199），剛剛公布全年業績，盈利有成6588.8萬元人民幣，較去年上升30.59%，兼夾有末期股息1.3仙，以咁靚仔嘅表現，若果喺主板嘅話，相信一定有炒作，但偏偏生於創業板，所以交投仍然淡靜。
經紀黃話，江湖傳聞山東威高亦有轉板之意，家陣交投淡靜的情況，到時或有改變都未定。其實產銷一次性醫療產品的山東威高，一直都好積極擴展業務，包括增加生意規模同埋擴大產品類別．最新就係發行4700萬元人民幣的新股，向大股東收購一幅地皮建廠。至於貨源分布方面，隻股自上市以來，一直有班芬佬對佢不離不棄，若果真係成功轉板，無論對公司或投資者都係一件好事。
山東威高在公布業績前最高見過1.10元，噚日就跌3.7％，收1.04元，成交金額699萬元。
慕容小初