劉德華在新片《童夢》中飾演衰老極快的角色，所以他需要化老妝，每次化妝更要用酒精抹面，因而弄致皮膚敏感。提到張學友與任賢齊相繼做爸爸，華仔自言暫時仍未有時間。
由劉德華、黃日華、莫文蔚及林家棟主演、陳德森執導的新片《童夢》，昨日在慈雲山舉行開鏡拜神儀式，戲中描述華仔每一日便長大十歲，所以他要由五十歲演至八十歲，並需化老妝，結果皮膚出現敏感，近下顎的位置長滿了紅點。
華仔早前花了四日時間為《童》片試造型，尚未正式投入拍攝工作，他的皮膚便開始敏感。不過華仔自言過往已多次為不同角色犧牲色相，正如早前拍《大隻佬》一樣，華仔說：「今次化老妝，唔可以用護膚膏打底，皮膚要好乾先上妝，所以每次都要用百分之九十九嘅酒精抹乾塊面，我睇咗醫生，醫生話皮膚敏感開就會好易敏感，但係啲藥膏有類固醇唔可以搽太多，惟有每次化妝前食藥。」
華仔在片中要扮演一個外表老成但心境年輕的角色，他坦言不知自己是否仍有童心，華仔說：「我都唔知得唔得，不過𠵱家啲細路好老積，應該唔使太有童真。」提到張學友與任賢齊最近不約而同做爸爸，華仔即取笑學友有「外父相」，至於何時才會效法兩人生兒育女，華仔笑說：「拍完戲先啦！呢排好忙。」
莫文蔚與黃日華在戲中飾演華仔的父母，莫文蔚說：「好high，識咗華仔咁耐，第一次合作竟然做佢後母。」而黃日華則說：「今次係華仔搵我拍呢部戲，佢份人好念舊，不過估唔到大佢二十幾日要做佢老竇。」
採訪：魯萍 攝影：陳志嵐
