特區政府回歸後首次改朝換代，經濟發展及勞工局局長葉澍堃噚日出席消委會推動嘅《良好企業社會責任指引》開展儀式時，俾班記者追問佢對新舊老細有乜印象？
葉澍堃答得夠縮骨，佢話：「同董生合作七年多，覺得佢係個非常好嘅老闆，盡心盡力，為香港做咗好多嘢。」講到署理特首曾司長，佢就話：「我同曾生共事三十年，所以合作更加完全無問題。大家都係一個團隊，目前最緊要係團結融和。自己會緊守崗位，做好局長嘅工作。」
葉澍堃真係講得好大體，記者猛問都冇用，直至有記者問佢有關消委會推出嘅《良好企業社會責任指引》，佢先至如釋重負，重大讚呢位記者問得好，認為指引好值得推介。
傳真︰2623-9278
電郵︰[email protected]