日本女星江角真紀子上個月二十一號先生咗個女，最近就接受咗日本雜誌《女性自身》訪問同影相，江角生完都唔夠一個月，但身材同樣貌已經回復舊觀，非常神奇！雖然佢話生BB非常痛，但每位媽媽經過呢種痛楚之後都變得好偉大！佢重話記得自己生完BB之後，第一時間打電話多謝阿媽，因為佢終於體會到當年阿媽生佢有幾辛苦。