立法會噚日就「新的行政長官」任期拗得火紅火綠，煲呔胸有成竹咬死補選嘅特首一定係兩年，陳鑑林就提佢要同終審法院先了解吓，馬上俾馬丁質佢干預司法獨立，咁陳鑑林梗係唔認啦。
至於我哋終審法院首席法官李國能就一於少理，佢噚晚去咗尖沙嘴香港文化中心音樂廳，做香港善導會粵曲慈善演唱晚會嘅主禮嘉賓，重同專程由美國返港嘅粵劇紅伶羅艷卿握手合照。
原來李官係善導會嘅贊助人，所以幾忙都要嚟一陣，加上籌委會主席孫鍾小芬係孫明揚太太，梗要捧吓場。
王子俊攝
傳真︰2623-9278
電郵︰[email protected]