噚日，曾蔭權第一日以署理行政長官身份返工，咁啱佢細佬曾蔭培任執行董事嘅新創建又喺噚日公布中期業績，雖然前排前一哥曾蔭培都曾經俾人問過佢大佬「擔正」做特首嘅感受，但由於講開新創建旗下大老山隧道有意加價，要經行政會議同新行政長官批准，大家少不免又會問吓兩兄弟係咪易傾啲。
未等曾蔭培開口，新創建行政總裁陳錦靈已經幫口話：「呢啲嘢，當然唔使佢（曾蔭培）去傾。」問曾蔭培對大佬做特首嘅觀感，佢話「對佢能力一向有信心，相信能做好現有工作，至於佢嘅未來發展就唔評論」。
傳真︰2623-9278
電郵︰[email protected]