渣打集團去年盈利創新高，行政總裁戴維思居功至偉，所以酬金增加百分之四十六，至四百零一點三萬美元（折合三千一百三十萬港元），加薪幅度同純利增幅百分之四十四看齊，成為集團內最高薪嘅執行董事。佢嘅薪酬組合中嘅花紅部份，更大幅增加百分之六十三。排第二位嘅渣打打工皇帝係負責零售銀行嘅靚仔執董狄朗華，佢嘅整體酬金增加咗百分之二十四，至二百五十六點四萬美元（二千萬港元）。
為咗鼓勵員工持續有優秀表現，渣打由去年底起開始，將執行董事分發花紅嘅三分之一，以認股權證形式撥作延遞花紅，禁售期為一年，期滿後可以優惠價認購渣打股票。
傳真︰2623-9278
電郵︰[email protected]