郭晉安、宣萱、唐寧、黃宗澤及湯盈盈等，昨日在將軍澳電視廣播城為新劇《阿旺新傳》試造型，郭晉安前年憑在《戇夫成龍》飾演阿旺一角而大收旺場，今次他在新劇飾演時裝版阿旺，其餘藝人則會演繹全新角色。
郭晉安在新劇中會棄整老婆餅，轉行賣糖水及湯圓，同劇的許紹雄提議與他合夥開甜品店，安仔表示可以考慮。不過「老婆仔」宣萱就不予看好，因她曾與羅嘉良及楊千嬅等人合夥開果汁店，她說：「之前試過開果汁店，幾辛苦，要維持生意係最難。」
黃宗澤則會飾演與阿旺同父異母所生的弟弟，昨日他以一身型仔打扮出現，有幾分似李澤楷，黃宗澤說：「咁我叻過佢（指李澤楷）啦，劇中講我二十幾歲就收購衞星電視。」而湯盈盈以「貞子」造型出現，她說：「我今次飾演醜女，遲啲要戴埋副倒及牙㖭！」
此外，監製黃偉聲表示六月預產的楊婉儀亦會客串演出，他說：「佢會拍半個月，我哋會盡量安排佢以廠景拍攝為主。」
採訪：卓美娟
攝影：仇志德
