貴為內地首富嘅國美電器主席黃光裕，噚日特登嚟到香港主持公司業績發布會，當佢一出現，當堂嚇咗在場記者一大跳，因為原本一頭濃密黑髮嘅佢，居然變咗一個光頭佬！八方即時反應係戥佢凍，同埋明白原來「十個光頭九個富」咁嘅街頭理論，又真係幾準喎！
有人問佢點解剃光個頭？佢笑笑口話：「因為高興！」，佢重叫在場男記者不如「也來一個吧」。席間有人問佢成為首富後嘅感想，佢話唔會對呢啲嘢有特別感覺，評估準確與否，亦只係做財富調查嗰班人嘅問題，同佢無關，佢責任只係「為老百姓帶來好處」咁話喎。
傳真︰2623-9278
電郵︰[email protected]