有傳古巨基跟女助手Lorraine拍拖多年，早前Cookies的Stephy卻介入其中。基仔前日在個唱慶功宴時講起兩位緋聞女友，態度明顯不同，他不滿記者追拍Lorraine，指對方應留在幕後，相當保護女助手。
古巨基前日完成七場演唱會，晚上在尖沙嘴舉行慶功宴，但先後與他傳緋聞的女助手Lorraine和Cookies的Stephy均告缺席。問基仔為何不見Stephy來看演唱會？他說：「圈中好多歌手朋友都冇時間打畀佢，心中對我支持好感謝，如果想睇可以搵公司同事。」Stephy可有傳短訊給他？基仔說：「我開騷時電話嘅短訊壞咗，一個朋友嘅短訊都收唔到。」
提到基仔的女助手Lorraine常被追訪，他說：「佢始終唔係幕前人，好多幕後工作人員都唔鍾意上鏡，大家幫吓忙，好多時佢俾人影咗都唔知。作為同事我好唔好意思，令幕後同事見咗報，呢啲傳聞眨吓眼就過。幕後人繼續留喺幕後，大家都開心。」而Lorraine昨日致電記者說：「基仔噚日用綠茶敬酒，以為瞞天過海，但最後都俾人識穿，改飲威士忌。」
前日Cookies另一成員Kary亦來捧基仔場，問她Stephy不來捧場可是要避嫌？Kary說：「費事惹咁多麻煩，避一避，費事亂寫。佢唔係怕，但唔會特登避。」Kary言語自相矛盾，她事後很尷尬，不時掩面說：「我出晒汗，好驚，好多人，我要抹汗。」
而基仔經理人黃柏高表示有意為鄭中基和梁漢文舉行演唱會，還會力捧吳京為李連杰第二。
採訪：李珮洳
攝影：葉君海
