冠軍科技大老闆簡文樂（圖），曾幾何時單憑住隻看通傳呼機，奠定咗佢香港通訊科技教父地位。今日佢又有乜新高科技產品呢？答案係抗手機輻射貼！
有幾巴閉？據簡老闆講，塊抗輻射貼可以擋晒手機釋出嘅電磁波輻射，用過之後再用其他冇貼嘅手機，頓時會感到頭痛同耳仔痛。佢話自己唔單止手機有貼，身上重有幾塊，就連屋企啲落地玻璃都貼埋……呢塊小貼𠵱家正在試賣中，每塊盛惠1000蚊美金，冇錯，係1000蚊美金，重貴過部手提電話！但簡生話唔貴，最緊要係有用喎。不過，八方同埋啲行家就認為，成8000蚊港紙，不如買多部新機重好啦！
傳真︰2623-9278
電郵︰[email protected]