【本報訊】雖然曾蔭權在官員評分榜上長期獨領風騷，但市民對他出任署理特首的意見分歧，不少電台節目聽眾更質疑他可能比前任特首董建華更懦弱，將來只會聽命於中央，「中央話點佢就係點」，希望曾蔭權本着良心任特首，不要重蹈董建華過去七年的覆轍，一直戀棧權位至劣績斑斑才離開。有聽眾希望，曾蔭權公開他對23條立法、扶貧及銷售稅的意見。
聽眾張太在商台節目《在晴朗的一天出發》坦言：「我對佢非常冇信心，佢做公務員嘅時候我已經留意呢個人，佢好專橫跋扈，借錢畀泰國佢唔會問你啲人，佢話借就借。」她又說，不知道曾蔭權的施政理念：「佢呢一年半載個面口轉得幾緊要？人哋中央話點佢就係點。」
謝先生認為，應中央之意接任特首的曾蔭權立場應該強硬，例如撤換四個「唔聽話」的行政會議成員，及向中央反映特首任期應該是五年的意見，「對佢最有利嘅時刻，竟然唔可以（同中央）討價還價，佢比董建華更加懦弱。」
也有聽眾力挺曾蔭權。趙太讚揚他很有能力，他發脾氣、吹口哨很正常，「記者跟蹤佢、任何時間跟蹤啲熱門人選，唔好嘅嘢總會睇到。吹口哨好正常嘅，係人都吹口哨啦，我都吹口哨！」李太表示，曾蔭權的全城清潔工作做得好，若可以一定投曾一票。
聽眾蔡生則呼籲曾蔭權不要戀棧權位，應本着良心做事：「如果曾蔭權做得唔啱咪離開囉！唔需要糾纏，唔好似董生咁糾纏七年，搞到劣績斑斑。」