憑《功夫》一片中「神鵰俠侶」夫婦而聲名大噪的元秋和元華前晚在觀塘拍攝王晶執導的新片《雀聖》，元秋以五十萬片酬接拍，元華笑言自己不會如秋姐般話加價就加價，怕沒有人找他拍戲。
王晶執導，元華、元秋、郭晉安和Cookies成員Theresa等主演的新片《雀聖》，前晚在觀塘一間茶餐廳拍攝。在《功夫》中元華和元秋這對「神鵰俠侶」一鳴驚人，元秋直認今次片酬五十萬，拍十日戲，問她是否片酬幾級跳，兼可以揀戲？她說：「我拍《功夫》都唔少喎！未拍《功夫》已經揀戲㗎啦，今次我只係驚做唔到王晶嘅要求。」
元秋在戲中飾演雀后，她亦喜歡打台灣牌，問她輸多還是贏多，她說：「輸你打呀！不過我輸都話贏嘅，我驚個仔唔畀我打，最高紀錄打咗兩日，啲雀友係咁話要上訴。」元秋透露月底將會到上海拍攝星輝公司的電視劇《功夫狀元》，與黃聖依和吳孟達合作。
出爐金紫荊「最佳男配角」元華則笑稱自己片酬不及元秋，問他是否妒忌，他說：「唔係，我驚加得多冇人搵，唔會好似秋姐咁話加就加，好多人都係睇片酬先搵我，有啲人重話我貴。」而Theresa分別飾演郭晉安女友、王晶的情婦及妓女，最後會跳樓死，Theresa說：「我有啲驚，因為經驗唔多。」王晶和Theresa合照時，記者笑王晶找Theresa演情婦來益自己，王晶說：「我係都唔會搵個咁細啦，佢做得我個女啦，我大女二十五歲，就嚟碩士畢業啦。」Therese透露九月才二十一歲，並用挑逗眼神望着王晶，意思指自己可以做到，王晶說：「我覺得自己即刻好有金魚佬feel。」
王晶透露該片挾《功夫》氣勢找元秋、元華擔演，再挾「阿旺」氣勢找郭晉安，然後加上自己的賭片。郭晉安謂十年沒有拍戲，所以甚緊張，他說：「喺戲入面做記憶力好強嘅人，之後俾人打儍咗，變咗儍仔。」
採訪：魯萍 攝影：仇志德
