「夠薑加到一百蚊」
克勤攞獎扯火罷行東隧

李克勤、容祖兒及關心妍等一眾歌手，前晚到廣州出席音樂頒獎典禮，克勤勇奪三個獎項，不過他一提到東隧加價即表現得相當不滿，更揚言要罷用東隧。

李克勤、關心妍（Jade）、容祖兒（Joey）及鄭希怡等一班香港歌手，前晚到廣州出席「音樂先鋒榜2004年度頒獎典禮」，勇奪三獎的李克勤特別邀請譚詠麟合唱《嗱嗱聲》一曲，掀起全晚高潮。

「冇人行封咗佢」
克勤獲獎理應十分興奮，不過當他得悉東區海底隧道瘋狂加價後，即表現激動，原來克勤家住清水灣，幾乎每日都要用東隧，他說：「離晒譜，最好大家罷用，我寧願行貴啲嘅西隧都唔益佢，東隧加價真係影響到我，我有個愛護動物協會嘅廣告牌喺嗰度，如果少咗人行，都會影響到人哋。我覺得應該一人行一步，要諗吓揸車搵食嘅人，唔知政府可唔可以干預呢？一係佢就夠薑，加到一百蚊，到時冇人行封咗佢，一係佢就減隧道費減到十蚊，到時多啲人用，條數咪喺番度囉。」
早前一裁縫店擅自採用克勤的唱片封面照作為宣傳工具，克勤透露唱片公司今日會派員到該店舖巡視，不過有歌迷向他透露連裁縫店老闆的卡片都印有克勤的樣貌，令他啼笑皆非。
另一方面，雖然前晚廣州天氣轉冷，但一眾女歌手卻不怕嚴寒，以短裙及露臂裝上陣，其中Joey穿上吊帶低胸黑裙大搶風頭，至於鄭希怡則不慎露出打底褲，認真失策。

關心妍打爛獎座
而前晚頒獎禮亦錯漏百出，由於不少獎項分為廣東、內地、香港及台灣四個組別，結果大會頒獎時經常將獎座調亂，而今次頒獎禮所採用的玻璃獎座更十分脆弱，奪得兩獎的Jade便在後台打爛獎座，並擦傷了小腿，由於她要接受訪問及拍照，只好向同場的薛凱琪借獎座，Jade說：「頭先好瘀，好彩係○四年度最後一個頒獎禮，以前見就見得多，發生喺自己身上就第一次。」
採訪、攝影：曾小嘉