無綫新劇《心花放》眾演員昨日在將軍澳出席宣傳活動，陳豪現場演繹《心》劇主題曲，但他顯得非常緊張，其後劇中女演員逐一上台獻上膠花以示支持，當然包括緋聞女友廖碧兒，陳豪才漸露笑容。
郭可盈、陶大宇、陳豪、廖碧兒和向海嵐等《心花放》演員，昨日在將軍澳新都城出席《心花放》之「花意甜蜜顯心思」宣傳活動，陳豪更現場演繹《心》劇主題曲《心花無限》。
陳豪演唱時非常緊張，站在台上的他一直望着台下的「貓紙」，其後郭可盈、向海嵐和緋聞女友廖碧兒逐一送上膠花，陳豪才漸露笑容。陳豪不敢評價自己的歌藝說：「我聽到自己震震哋，不過佢哋送花之後，氣氛緩和咗。第一次唱現場緊張到死，我已經盡量唔睇（貓紙），自己背歌詞，現場觀眾唔掟雞蛋都算好！」
陶大宇、郭可盈、陳豪和廖碧兒又合唱插曲《心裏話》，陶大宇和郭可盈一邊唱，一邊拖手，非常投入，反觀緋聞男女陳豪和廖碧兒，二人似隔着一條河，一個望東，一個望西，刻意迴避對方眼神。廖碧兒被問到為何刻意迴避陳豪，她說：「唔係，我第一次唱歌，又唔識中文，掛住睇歌詞，都唔知發生乜嘢事。今次最緊張係陳豪，個個都戥佢緊張。」
郭可盈則表示與陶大宇拖手唱歌是出於自然，至於陳豪與廖碧兒表現尷尬，她笑說：「有啲人拍拖唔拖手。」郭可盈早前到泰國曼谷旅行慶祝結婚一周年，她說：「嗰日去間六十幾層高餐廳，個景好靚，點知大風一吹，吹起我條長裙，又冇打底，我終於明白瑪莉蓮夢露嘅感受。」
採訪：楊潔雯 攝影：陳慧安
